تاريخ، فلسفو ۽ سياست

جيـڏي وڏي سـوچ تيڏي وڏي ڪاميابي

هي ڪتاب جاگيرداراڻي ۽ غلاماڻي نفسيات ۾ پلجندڙ ۽ محرومين جي ڌٻڻ ۾ ڦاٿل ماڻهن کي ان نفسيات ۽ محرومين جي نتيجي ۾ پيدا ٿيل منفي ۽ ڇسي سوچ کان آجو ڪرڻ جو هڪ بهترين رهنما آهي.
هي ڪتاب وڏي سوچ سوچڻ جي رهنمائي ڪري ٿو جنهن سان ماڻهوءَ جي سوچ وشال بڻجي ٿي، هو ڪائناتي سوچ جو انداز اپنائي ٿو ۽ وڏي مقصد لاءِ جيئڻ جي راهه تي هلڻ جو روادار بڻجي ٿو.
Title Cover of book جيـڏي وڏي سـوچ تيڏي وڏي ڪاميابي

خوف جو علاج فقط ڪم آهي

هڪ ڏينهن مان پنهنجي دوست جي گھر ۾ هوس. سندس پنجن سالن جو ٻار بستري تي سمهيو پيو هو ته هن اوچتو اٿي ڪري هلڻ شروع ڪيو. ان ٻار ٿورو اڳ سائنس فڪشن تي هڪ فلم ڏٺي هئي. جنهن ۾ هڪ بلا هئي. هاڻي ٻار کي ائين محسوس ٿي رهيو هو ته اها بلا کيس کڻڻ جي لاءِ اچي رهي آهي. ٻار جو پيءُ ڏاڍو فڪر مند هو. مون ٻار کي چيو ته بابا تون ڪا ڳڻتي نه ڪر ۽ بي فڪر ٿي سمهي پئو. ٻار هڪدم هڪ ڪم ڪيو ۽ اهو هي ته هن پلاسٽڪ جي هڪ بندوق کڻي، پنهنجي ويجھو رکي ۽ چيائين ته هاڻي جي بلا آئي ته مان ان کي ماريندس. ان کان پوءِ هو آرام سان سمهي پيو. دراصل اهو ان جو عمل هو، جيڪو هن ڊپ ختم ڪرڻ جي لاءِ ڪيو.
ڪجھه ڊاڪٽر مريضن کي اهڙيون دوائون ڏيندا آهن، جن سان انهن کي ننڊ اچي، پر اهي دوائون انساني جسم جي لاءِ ڏاڍيون نقصان ڪار هونديون آهن. جڏهن ته ڪجھه ماڻهو جڏهن پنهنجي ڊپ تي قابو پائي وٺندا آهن ته اها ڳالهه انهن تي دوائن کان به وڌيڪ اثر ڪندي آهي ۽ اهي پرسڪون ٿي ننڊ ڪندا آهن. توهان به اهڙيءَ طرح پنهنجي اندر اعتماد پيدا ڪري ڊپ کي شڪست ڏيو.