شاعري

بھارن ۾ ڳولي وٺو

سائر حسين جي شاعريءَ ۾ پنهنجو رنگ آهي، هن جي رنگن جي ٻولي بہ نرالي آهي ۽ هن جي خيالن جو ڪينواس بہ آرٽيفيشل ناهي، رنگ برنگي خيال هن جي برش مان ٻڏي، احساسن کي پينٽ ڪن ٿا تہ اهڙي تہ شاندار تصوير ٿي جڙي پوي. سائر شاعريءَ ۾ نہ صرف پنهنجو درد بيان ڪيو آ پر پوريءَ سنڌ جو درد بہ بيان ڪيو آهي. سائر جي شاعريءَ ۾ درد، عشق، وڇوڙو، وصل، سنڌ سان محبت، بک، غربت، اميري، پيري، فقيري مطلب تہ هر موضوع سمايل آهي. 

  • 4.5/5.0
  • 35
  • 20
  • آخري ڀيرو اپڊيٽ ٿيو:
  • سائر حسين
  • ڇاپو پھريون
Title Cover of book بھارن ۾ ڳولي وٺو

توکي وٺڻ پڳو هان ، خالي ته ڪو نه ويندس

توکي وٺڻ پڳو هان ، خالي ته ڪو نه ويندس
پنهنجو ڪرڻ پڳو هان ، خالي ته ڪو نه ويندس

ڌر نڀ سان اَنُ جهيڙي ، تو لئِه ڪيم بغاوت
جيئڻ مرڻ پڳو هان ، خالي ته ڪو نه ويندس

تون جيڪڏهن آن سسئي ، مان ڀي پنهل ئي آهيان
سِرُ هي ڌرڻ پڳو هان ، خالي ته ڪو نه ويندس

گجگوڙ ٿي اکين جي ، بادل ويا جن مان ڀرجي
ٿي مينهن وسڻ پڳو هان ، خالي ته ڪو نه ويندس

لهرن ۾ تنهنجا واڪا ، لهرون اچن پِيون توڏي
سائرَ ترڻ پڳو هان ، خالي ته ڪو نه ويندس