تون آن مڇي نديءَ جي ، مان ڄار ڪو بکارو
تو کان سواءِ اندر ٿو ، منهنجو رهي اڃارو
طوفان گهل نه ايڏو ، دل جي جهڳي ڊهي ٿي
ڇا منهنجي مفلسيءَ کان آهين تون زور وارو
هو چنڊ ٿي لڄي ۽ رخ تان هٽاءِ نه پردو
سڀ تو ۾ آ سندرتا ، ٿئي انگ انگ پيارو
ڳوليان جڳن کان توکي ، پر تون ملين ڪٿي ٿو؟
دنيا وسيع آهي ، منهنجو سفر اڌارو
اُڀَ تان ڪرن ٿا ڪرڻا ڪنهن پرهه ان ڦٽيءَ جو
سو پهر رقص تنهنجو ، آهي ڪندو نيارو
منهنجي حيات لهرن جي ور چڙهيل آ يارو
سائر ڏکيو لڳي ٿو ، تنهنجو هي هر ڪنارو