رحمت جي چادر ۾ لڪائي ڇڏ!
منهنجا رب!
توکان ڇا گهران؟
هن ڀلاري برڪت ڀري رات ۾!
تو بنا گهري سڀ ڪجهه ڏنو آ!
صحت، عزت، عصمت،
جنهن جو ڪوئي مول ئي ناهي،
دعا گهرڻ کان پهريون،
تنهنجي دربار ۾ هٿ کڄن،
ندامت کان اکيون جهڪي پون ٿيون،
مان تنهنجا ڪهڙا احسان مڃيان هن؟
نه پنج وقت نماز پڙهان ٿي،
نه ڪو نيڪ ڪم ڪيان ٿي،
بس دنيا جي ئي ڌنڌن ۾ گم رهان ٿي،
پوءِ به توکان هڪ التجا ڪيان ٿي،
اي رب ذوالجلال!
پنهنجي رحمت ڀري هن رات ۾،
رحمت جي چادر ۾ لڪائي ڇڏ !
اهڙي طرح اچي ڪين ڪنهن کي نظر،
هن وجود جو پاڇو،
مان ٻانهي تنهنجي عاجز گنهگار،
تنهنجيون رحمتون آهن بيشمار،
تون رحمت جي چادر جي ڇانوَ ڪري!
هن گنهگار وجود کي لڪائي ڇڏ!