روز کڄن ٿا ديس ڌڻي!
عمران جوکئي جي امڙ،
روئي، روئي اکين جو نور وڃايو،
امڙ سالن کان روڊن تي ريهون ڪري ٿي،
عمران جوکئي کي،
زمين ڳڙڪايو آسمان کڻي ويو؟
ڪا سُڌ ئي ناهي!
واڳ ڌڻين کي ڪجهه نظر نه آيو،
روز کڄن ٿا ديس ڌڻي،
ڪنهن جي ڪنهن جي دانهن ڪجي؟
فضيلا سرڪي به ٻالڪ کڄي هئي،
هاڻي ته ٻالڪ جي امڙ ٿي وئي،
قانون ويچارو اگهور ننڊ ۾ آهي،
سرڪار سڳوري به آهي سُتل،
فضيله کي زمين کائي وئي،
يا آسمان کڻي ويو؟
ڪا خبر ئي ناهي؟