اسان جو ڏوهه ڪهڙو آ؟
اسان جو ڏوهه ڪهڙو آ؟
اسان سان ڊوهه ڪهڙو آ؟
اُٿي ڀاڳيو جڏهن ننڊ مان،
ڏسي وٿاڻ خالي ٿو،
کڻي پير جڏهن کوجي،
پيراڍو پير ڄاڻي ٿو،
هڻي چور گوهي ٿو،
ڪڏهن ٿو ڏير ۾ ڪاهي،
ڪڏهن ٿو پاڻيءَ ۾ ڊاهي،
پڪو آ پير اسان ڄاتو،
ڀلي هو پهڻ تي ڪاهي،
جهلي هڪ ڏينهن ڪبو ظاهر،
ڀلي پوءِ جان ڏينداسين،
ڪرين ٿو روز نوان حملا،
بڻيون حيوان ڇو آهين؟
ڪرين ٿو رات جو حملا،
گهرن ۾ روڄ راڙو آ،
ڪر ڏوهه تون ثابت؟
ڀلي لٽڪاءِ سوريءَ تي،
اهي داٻا نه ڏي ڪنهن کي،
اهي ڏهڪاءَ نه ڏي ڪنهن کي،
ڪرين هر موڙ تي ڌوڪا،
جهلين ٿو ڌرتيءَ جا جوڌا،
اسان جو ڏوهه ڪهڙو آ؟
اسان سان ڊوهه ڪهڙو آ؟