اي ثاقب نثار!
اي ثاقب نثار!
تون طاقت جي نشي ۾،
نه خدا کي وسار،
تو وساري ڇڏيو آهي،
قدرت جو قانون،
تون داٻا ڏيئي ٿو اسان کي دٻائين،
ڀلي تون قلم’6‘، لڳاءِ،
ڀرجي ويندا تنهنجا جيل،
سنڌو اسان کي خدا عطا ڪيو آ،
سنڌو تنهنجي جاگير ناهي،
جو اڏيندين انچ، انچ تي ڊيم،
سنڌوءَ ۾ آهي ساهه اسان جو،
سنڌو آهي جياپو اسان جو،
سنڌو سڪائي تون چين سان ويهندين؟
سنڌ بنجر ڪري تون تمغو کڻندين؟
سنڌو جو سمنڊ ۾ ڇوڙ،
لڳي ٿو توکي پاڻيءَ جو زيان؟
سمنڊ ۾ به آهي جيوت خدا جي،
سمنڊ ۾ پاڻي نه ڇڏڻ سان،
مري ٿي خدا جي تخليق،
سمنڊ اُڇلي ٿو ڪناري تي لوڻ،
سنڌ جي آباد زمين ٿئي ٿي برباد،
واڳونءَ وانگر ڳڙڪائي ٿو روز زمين،
جر جو پاڻي ٿي ويو آ کارو،
ڪاري ڪامڻ ۾ لوڪ آ سارو،
پاڻي ٿي ويو آ ٻاڙو،
قدرت جي نظام سان ،
نه کيڏ تون راند،
تون منصف ٿي،
پيرن هيٺان نه انصاف لتاڙ
چيف جسٽس آف پاڪستان.*