سمهين پئو سڀ اوهين تارا، منهنجو مقدر ڦٽل آهي،
ڦِٽي وئي ننڊ آ منهنجي، سمورو جڳ ستل آهي.
اٿَوَ نظرون رڳو مونڏي، ڏٺو ڇا آ اوهان مون ۾،
منهنجو سينو سڄو چيري، ڏسو دلڙي ٽٽل آهي.
لڙي اڌ رات آ ويئي، لهي چنڊ آ ويو ليڪن،
پيو ڦٿڪان لڇان تڙپان، اڃا اک پڻ کليل آهي.
پيا گڏ لڙڪ هاريو ڇو؟ اوهان جو ڏوهه ڪونهي ڪو،
ٻڌايان ڇا ظلم مونسان، دنيا وارن جو ٿيل آهي.
ڇڏي ڏيو خان محمد کي پنهنجي هن حال تي هاڻي،
پڇو ٿا حال هي ڪهڙو، رٺل مونکان مٺل آهي.