اھو ڪيئن ممڪن آهي ؟
يقين ڪيو ان مان ڪجهه ناممڪن ناھي.اھا حقيقي ڪاميابي ممڪن آھي بس اسان کي وقت جو صحيح استعمال ڪرڻ جي ضرورت آھي.
زندگي ۾ سڀاڻي انشاءُالله چوڻ بجاءِ اڄ بلڪ ھاڻي انشاءُالله چئي ڪري پنهنجي مقصد لاءِ محنت جي آغاز ڪرڻ جي ضرورت آھي.
يقين ڪيو پوءِ اھي اوھان ئي ھوندو پڇتاء بغير سڪون ۽ تسلي واري زندگي گذاري سگهندو ۽ کلي ڪري موت کي پنهنجي ڀاڪر ۾ ڀرڻ جي لاظ تيار ھوندو.
مان ڏٺو آھي ته زندگي ۾ شڪست کاڌل ماڻھو پنهنجي ارادن ۾ ڏاڍا ڪمزور ھوندا آھن. اھي پنهنجن عادتن پنهنجي عزمن ۽ پنهنجي فيصلن ۾ ثابت قدم ناھن ھوندا. توھان کي انھن سڀني ۾ اڄ جو ڪم سڀاڻي ڪرڻ جي عادت برابر شريڪ ملندي سڀاڻي به اھڙي سڀاڻي جيڪا ڪڏهن به اچڻ جو نالو نٿي وٺي اوھان انھن ۾ ثابت قدمي جي گھٽتائي ڏسندو. سڀاڻي تي انھن جو ڀروسو ڏاڍو پڪو آ پر ڍرائي جو شڪار ھوندو. ڇاڪاڻ ته اھي ھي سوچيندا آھن ته اھي سڀاڻي ڪجهه ڪندا پر ڇا ڪندا ان سوچڻ واري عمل کي به سڀاڻي تي ڇڏيندا آھن. يقين ڪيو سڀاڻي ڪڏهن به نه ايندي. اھا جيڪا سڀاڻي واري سوچ آھي نه اھا ڪاميابي جي رستي ۾ اڀي ديوار بڻيل آھي سڀاڻي جو مطلب سستي آھي ۽ سستي وري اسان جي ڪامياب مستقبل جي وڏي ۾ وڏي دشمن آھي جيڪڏهن اڄ توھان پنهنجي عزم کي مضبوط ڪندي ڪجهه نٿا ڪري سگھو ته سڀاڻي جڏهن اوھان جي حوصلن ۾ اھا طاقت باقي نه رھندي ته تڏهن اوھان ڪجهه ڪيئن ڪري سگھندو؟ اھو سڀاڻي جو لفظ ھڪ دوکو آ مڪاري آ ۽ اسان سڀ ان ڳالهه کي چڱي ڄاڻيندي به ان مڪاري جو شڪار آھيون توھان ڪڏهن قبرستان وڃو ۽ اتي ڏسو ته اتي ڪيترائي اھڙا جوان ۽ پوڙھا دفن ٿيل آھن جن کي پنهنجي زندگي جا کوڙ ڪم سڀاڻي ڪرڻا ھئا اھي سڀئي سڀاڻي اچڻ کان اڳ مٽي ۾ لپيٽجي ويا اھي اڄ به پنهنجي ھٿن سان برباد ڪندڙ زندگي لاءِ خدا آڏو جوابدار آھن ۽ دنيا ۾ ماڻھو انھن کي ياد ڪرڻ جي تڪليف ھرگز نٿا ڪن.
ڇا توھان ڪڏهن سوچيو آھي ته دنيا ۾ ڪيترا ماڻھو روزانو مرن ٿا؟ ۽ انھن مان ڪيترا اھڙا ھوندا آھن جن کي ياد ڪيو ويندو آھي؟ جن لاءِ دعائون گھريون ۽ قل پڙھيا ويندا آھن؟ ۽ ڪيترا اھڙا ماڻھو آھن جن جي مرڻ کان پوءِ کيس ايئن وساريو ويندو آھي ڄڻ اھي ھن دنيا ۾ آيا ئي نه ھئا؟ اھي انگ اکر اوھان جون اکيون کولڻ لاءِ ڪافي آھن.
ايڇ جيڪسن جونيئر پنهنجي فلسفي کي انتھائي خوبصورتي سان ھن ريت چيو آھي ته :
ايندڙ وقت جي لاءِ بھترين تياري اھا آھي ته اڄ پنهنجي طرفان ڪا ڪمي نه ڇڏيو."
يقين ڪيو ايندڙ زمانو انھن جو آھي جيڪي ماضي ۾ ڪيترن ئي غلطين مان سکي ڪري حال ۾ محنت ڪن ٿا ۽ پنهنجي خوابن تي يقين رکن ٿا جڏهن نه وقت جو ڪيو آھي ته گذري ويندو ۽ اسان بس ويٺا دنيا ۽ آخرت جو نقصان ڳڻيندا رھجي وينداسين.