پنهنجي مسئلن تي نه ان جي حل تي ڌيان ڏيو
انساني زندگي خدا جي هڪ بهترين نعمت آهي.انسان جي هر عمل جو دارومدار ان جي نيت ۽ سوچ تي مشتمل هوندو آهي.انسان جي سوچ ان جي شخصيت کي سنوارڻ يا بگارڻ جو ڪارڻ بڻبي آهي.سٺي ۽ درست سوچ انسان لاءِ پنهنجي ذات سان گڏو گڏ معاشري لاءِ به ترقي جو ڪارڻ بڻجندي آهي ان جي ابتڙ غلط سوچ انسان کي پنهنجي ئي ذات ۾ شڪ ۽ شبهن جو شڪار بڻائي ڇڏيندي آهي.جهڙي نموني ڪنهن به انسان جي سٺي سوچ ۽ نيت جو اثر معاشري تي پوندو آهي بلڪل اهڙي ئي نموني ان انسان جي غلط ۽ غليظ سوچ جا اثر به معاشري جي بغاڙ جا ڪارڻ بڻجن ٿا
اسان انسان زندگي ۾ ڪنهن نه ڪنهن طريقي سان پنهنجي ماضي ۽ مستقبل سان جڙيل هوندا آهيون.ماضي جي غلطين کي ماضي ۾ ئي ڇڏي ڏيڻ جي بدران جڏهن اسان انهن جو بار کڻي زندگي گذارڻ لڳندا آهيون۽ پوءِ اسان جو حال ۽ مستقبل انهن ئي غلطين جي ڪري متاثر ٿيندو آهي.اسان جو غلطيون اسان جي لاءِ عدم ۽ اعتمادي جو ڪارڻ بڻبيون آهن اسان پنهنجو پاڻ ۾ مسلسل هڪ ڪشمڪش جو شڪار رهندي نه ته پنهنجي لاءِ قابل ٿي سگهندا آهيون نه ئي پنهنجي معاشري کي فائدي ڏيڻ جي لائق هوندا آهيون اسان جي اها غلط سوچ اسان کي پنهنجي مسئلن وڙهڻ جي صلاحيت کان محروم بڻائي ڇڏي ٿي.
جيڪڏهن اسان ماضي کي روڳ بڻائي ڇڏيون ته اهي غلط خيال اسان جي شخصيت جو حصو بڻجي ويندا آهن ۽ اسان هڪ ئي وقت ٻه رخي شخصيت جا مالڪ بڻجي ويندا آهيون.اسانجي اها سوچ هڪ پاسي ته مستقبل جي لاءِ ڪجهه نه ڪجهه لائحه عمل آڻڻ ۾ مگن هوندي آهي ۽ ٻي پاسي وري اسان پاڻ ئي پنهنجي سوچ تي تنقيد ڪندي پنهنجيو پاڻ کي طنز ۽ عدم اعتمادي جو شڪار بڻائيدا رهندا آهيون مسلسل غلط سوچ رکندي انسان وقت سان گڏوگڏ افسردگي۽ اضطراب جي مثال پاڻ بڻجي ويندو آهي.اسان جا اهي رويا اسان جي لاءِ ئي اذيت جو ڪارڻ بڻبا آهن .
ڪجهه معاملن جي باري ۾ اسان اهو خيال ڪندا آهيون ته اسان ڪجهه نٿا ڪري سگهون اسان کان نه ٿي سگهندو.اسان جو اهو رويو سراسر غلط آهي .انسان پنهنجي سوچ مٽائڻ جو اختيار رکي ٿو.هن دنيا ۾ محنت سان ڪجهه به حاصل ڪرڻ ناممڪن ناهي.بس اوهان جو ارادو نيڪ هجي ۽ اوهان جيڪو ڪريو ٿا اهو ڪم يا معاملو جائز هجي.بس پوءِ خدا جي مدد شامل حال ٿي ويندي آهي.انسان کي اونداهي ۾ روشني جي چڻنگ نظر اچڻ لڳندي آهي.غلط سوچ کان آزادي ماڻڻ مشڪل عمل آهي پر ناممڪن بلڪل به ناهي.انسان وقت سان گڏ ان تي ضابطو آڻي ويندو آهي.جنهن سان ان جي ذهن کي سڪون ملندو آهي.
غلط سوچ ۽ عدم اعتمادي تي ضابطو آڻڻ سان انسان جي پنهنجي زندگي جو مقصد حاصل ڪرڻ جو جذبو وڌيڪ وڌي ويندو آهي.انسان پنهنجي مسئلن تي آهستي آهستي ضابطو آڻي پنهنجي زندگي ۾ ڪاميابيون ميڙڻ لڳندو آهي.ان لاءِ عقلمندي جي تقاضا اها آهي ته اوهان پنهنجي مسئلن جي بجاءِ پاڻ تي اعتماد ڪندي سٺي سوچ سان گڏ انهن مان نڪرڻ ۽ ان جي حل جي باري ۾ سوچو.ڪابه مشڪل ايتري وڏي ناهي هوندي جو ان تي ضابطو نه آڻي سگهجي.بس ضرورت آهي ته صرف پنهنجو پاڻ ۽ پنهنجي سوچ جي انداز کي بدلائڻ جي.ياد رکو اهوئي ڪاميابي جو راز ۽ ڪامياب انسانن جي عبادت آهي.اهي سڀ فرد جيڪي سڄي عمر سهارن جي ڳولها ۾ هوندا آهن.پنهنجي ماضي ۽ قسمت تي پٽيندا رهندا آهن اهڙي انسانن لاءِ نه ته دنيا ۾ ڪو عزت جو مقام هوندو آهي نه ئي آخرت ۾ انهن جي ڪا اهميت هوندي.الله پاڪ هر انسان کي انفرادي لحاظ سان بهترين صلاحيتن سان نوازيو آهي ته جيئن انسان انهن جو استعمال ڪري نه صرف دنيا پر آخرت ۾ به ڪامياب انسانن جي ۾ شامل ٿي سگهي.جيڪو به شخص ان حقيقت کي مڃيندي پنهنجي لاءِ سهارن جي ڳولها فٽو ڪري پاڻ محنت شروع ڪندو ان جي لاءِ رستي جي مشڪلات ۽ مسئلا تمام ننڍڙا بڻجي ويندا ۽ هو دنيا ۾ ڪاميابي جي مثال قائم ڪري سگهندو. ان جي ابتڙ پوري زندگي پنهنجي مسئلن تي پٽڻ روئڻ سان نه ته مسئلا حل ٿي سگهندا آهن ۽ نه ئي انسان ڪجهه سٺو ڪجهه وڏو سوچڻ جي لائق بچندو آهي ان لاءِ مان اڪثر چوندو رهندو آهيان ته مسئلن تي سوچڻ جي بدران ان جي حل تي ڌيان ڏيو جيئن مسئلا جلد کان جلد حل ڪري پنهنجي هدف طرف ڀرپور ڌيان ڏئي سگهون.
هڪ شخص جيڪو بي رحم حالاتن ۾ 1919 ع ۾ هڪ اخبار ۾ نوڪري ڪندو هيو.ان کي ان جي ايڊيٽر ان بنياد تي ڪم مان خارج ڪري ڇڏيو ته هو پر تخيل آهي.نه ئي ان وٽ ڪي سٺا خيال آهن. ان شخص نه همت هاري نه وري حالاتن کي قصور وار قرار ڏنو بلڪه 1920 ۾ پنهنجي هڪ دوست سان ڪارٽون ٺاهڻ واري ننڊڙي ڪمپني جو بنياد رکيو.هڪ بي ترتيب شروعات کان پوءِ هن پئسا ڪمائڻ جي لاءِ هن ڪينساس سٽي فلم ڪمپني ۾ نوڪري شروع ڪئي.ڪجهه وقت گذريو ته هن لوئرڪس جوائن ڪئي جيڪو اڪليو ڪم جاري نه رکي سگهندو هيو.هن شخص پنهنجو اسٽوڊيو هن اداري ۾ ضم ڪري ڇڏيو.منافعو ايترو گهٽ هيو جو ملازمن جو پگهارون به پوريون نه پئي ٿيون.نتيجو اهو نڪتو جو اسٽوڊيو قرض ۾ ٻڏي ويو.۽ آخر ان جو ڏيوالو نڪري ويو.ناڪاميون ان شخص کي پچاري نه سگهيون.ان ڪيليفورنيا ۾ فلام انڊسٽري هاليووڊ ۾ پنهنجو اسٽوڊيو کوليو ۽ ڪارٽون ٺاهڻ جي ڪم ۾ ڄمي ڪم ڪيو .ان زماني ۾ ان آس والڊ دي لڪي ريبٽ ڪارٽون ٺاهيو اهو ڪردار ان وقت جي ڪارٽونن جي بزنس جو ڪامياب ترين ڪردار سمجهيو ويندو آهي. ان دور ۾ هو پنهنجي فلمن ۾ صرف ويھه سيڪڙو ڪمائي سگنهدو هيو.ان کي اميد هئي ته هاڻي حالات بهتري طرف ويندا.پر هڪ دفعو ٻيهر هن پاڻ کي شڪستو سمجهيو جڏهن ان جي پروڊيوسر هن جو ڪردار ۽ اينيميشن جي عملي کي به سمجهائي سجهائي گڏ وٺي ويو.ان جي پروڊيوسر جو خيال هيو ته هتي هن کي صرف ويھه سيڪڙو ڪم ڪرڻو پوندو جڏهن ته نئون تجربو هن کي دولتمند بڻائي ڇڏيندو.جڏهن اڪثر ماڻهن پنهنجي گهٽ ڪمائي جي شڪايت ڪندي پنهنجا ٿيلها پيڪ پئي ڪيا ته هن ماڻهو نئي ڌماڪي دار صف پئي تيار ڪرڻ جو منصوبو پئي ٺاهيو.ڪارٽون جي دنيا ۾ هن کي مڪي مائون سان سڃاڻيو ويندو آهي ۽ هي ذڪر آهي پنهنجي عهدي جي مشهور پرينيور,ڪارٽونسٽ ,اينيميٽر,صداڪار ۽ فلم ساز Walt Disneyجو . جڏهن هن ان صف تي ڪم ڪيو ته هن کي چيو ويو ته اهو ڪردار تيسين ڪاميابي نه ماڻيندو. جيسيتائين هڪ وڏو ۽ خطرناڪ ڪوئو ٽي وي ڏسندڙ مائي کي ڊيڄاري ڇڏي. ان ٻڌي اڻ ٻڌي ڪري ڇڏي ۽ ڪم جاري رکيو.ان ڪوئي مڪي مائوس کي اهڙي طريقي پيش ڪيو جو ان کي قبوليت لاءِ ڪنهن مائي کي ڊيڄارڻ جي ضرورت ئي نه پئي. اڄ ڪيترا ئي ڏهاڪا گزرڻ جي باوجود مڪي مائوس جي ڪهاڻي جاري آهي ۽ شوقينن جي وڏي تعداد پاٿاري هڻي ان کي ٻڌن ۽ ڏسن ٿا. ان شخص ناڪامين کي زندگي تي ڪڏهن حاوي ٿيڻ نه ڏنو اڄ شايد ئي اهڙو خبردار شخص هجي جنهن ڊزني جي باري ۾ نه ٻڌو هجي.