فيصلو ڪرڻ
الله تعالي انسان کي بيشمار نعمتن ۽ صلاحيتن سان نوازيو آھي ھڪ بھترين صلاحيت بھتر فيصلو ڪرڻ آھي مناسب ۽ وقت تي فيصلو ڪرڻ جي اھميت ۽ اندازو انسان کي وقت گذرڻ کان پوءِ پوندو آھي ڪامياب ماڻهو جي سڀني عادتن مان ھڪ عادت صحيح ۽ وقت تي فيصلو ڪرڻ آھي ۽ ان جو اعتراف ھر ڪامياب شخص ڪندو آھي.
ھلندڙ دور ۾ جڏهن انسان ڪاميابي جو تلاش ۾ ڊوڙي رھيو آھي اھو ان خبر کان بلڪل بي خبر آھي ته ڪاميابي ۽ ناڪامي جو ھڪ وڏو سبب وقت تي فيصلو ڪرڻ جي عادت آھي ھر شخص جي وقت تي فيصلو ڪري وٺندو آھي ته اھو ڪاميابي ڏانهن وڌي ويندو آھي جڏهن ته فيصلي کان ناآشڪاري رھڻ تي انسان ڀٽڪندو رھندو آھي.
نيپولين چوندو ھو ته ”ڪامياب ماڻهن جا فيصلا معياري ھوندا آھن جڏهن ته ناڪام ماڻھن جا فيصلا ڪمزور ھوندا آھن.“
انساني تاريخ کي پڙھندي کوڙ سارن ماڻھن ڪاميابي جو راز ان فيصلي ڪرڻ جي عادي کي قرار ڏيندي ٻڌائن ٿا ته ڪھڙي طرح انھن کي انھن جي معياري فيصلي ڪاميابي سان نوازيو. ان جي خلاف دنيا ۾ موجود ناڪام انسان اڪثر پنهنجي ناڪامي جو زميوار غلطن فيصلن کي قرار ڏيندا آھن جيڪو شخص وقت تي فيصلو ڪرڻ بجاءِ نٽائيندي سستي ۽ ڪاھلي جو مظاهرو ڪندو آھي ان کي آخر ناڪامي کي برداشت ڪرڻو پوندو آھي.
زندگي جي اڪثر معاملن ۾ حالتن جي مدنظر رکندي وقت تي فيصلو ڪرڻ جي لاءِ انسان ۾ فيصلي سازي جي خوبي ھجڻ ڏاڍي اھم آھي ڪامياب فيصلن لاءِ ضروري ھوندو آھي ته توھان ۾ بھترين فيصلي ڪرڻ جي سگھ ھجي ۽ ان سگھ کي بھترين ڪرڻ جي لاءِ انسان کي پريشاني ۽ جذبات اچڻ بنا فيصلا ڪرڻا پوندا. فيصلا ڪرڻ وقت پنهنجي انا ۽ اختلافن کي وساري جڏهن حقن تي ڌيان ڏنو وڃي ته ھڪ معياري فيصلو سامھون ايندو آھي.
اھڙي طرح فيصلي لاءِ منطقي سوچ استعمال ڪندي تمام ماڻھن جي معلومات گڏ ڪري فيصلو ڪرڻ سٺا نتيجا سامھون ايندا آھن. اڪثر ماڻھو فيصلن جي اثرن جو اندازو ڪنهن بغير ننڍي مسئلي وقت تي وڏو فيصلو ٻڌائيندا آھن. جيڪو انسان جي ناڪامي ۽ نااھلي بنيان ڪندو آھي فيصلو ڪندي مسئلن جي وڏي وقت جي صورتحال جو جائزو وٺڻ فيصلي کي معياري بڻائيندو آھي.
شيوکيرا پنهنجي ڪتاب "You Can win" ۾ لکي ٿو ته
جيڪو شخص خطرو ناھي موڙي سگھندو اھو زندگي ۾ ڪجهه به نٿو ڪري سگھي. زندگي جي ھر ڪم ۾ خطرو آھي. اسان جو ڪو به فيصلو يا عمل ھر وقت صحيح نٿو ٿي سگھي.انسان جو ھر فيصلو انديشن تي ھوندو آھي.
ضروري ناھي ته انسان جو ھر فيصلو درست ھجي ڪاميابي جي تڙپ رکڻ وارو انسان پنهنجي غلط فيصلن تي عدم اعتمادي جو شڪار ٿيڻ بجاءِ انھن مان سکندي درست فيصلو ڪرڻ جي قابل ٿيندو آھي جيڪي ماڻھو پنهنجي صلاحيتن تي اعتماد ناھن ڪري سگھندا انھن جي لاءِ ڪامياب ٿيڻ ناممڪن ھوندو آھي انسان جو پاڻ تي اعتماد ۽ مستقبل جي لاءِ نيڪ تمنائون ئي ان جي لاءِ صحيح فيصلو ڪرڻ ۾ مددگار ثابت ٿيندو آھي فيصلي ڪرڻ وقت ھرڀرو شڪن جو شڪارٿيڻ به فيصلي کي متاثر ڪري سگھي ٿو. ھوئن ته چيو ويندو آھي : تڪڙ ڪم شيطان جو ھوندو آھي.
پر زندگي ۾ اڪثر معاملن کي عقلمندي ۾ ترت ڪرڻا پوندا آھن. اھڙا فيصلا ڪندي انسان کي عقلندي جو مظاهرو ڪرڻ کپي. فيصلي ۾ ڍر بھتر ناهي ھوندي معاملن تي فڪر ڪندي انھن جو دقت سان جائزو وٺي ۽ فيصلو ڪيو ڇاڪاڻ ته جيتري دير ٿيندي اوتري وھم وڌندا ويندا ۽ فيصلو ڪمزور ٿيندو ويندو نفيسات جي ماھرن جو ان ڳالهه تي اتفاق آھي ته انسان جيسيتائين ڪنهن معاملي جو فيصلو ناھي ڪندو تيسيتائين ان جي ذھن تي خدشن ۽ وسوسن جو ھدف ھوندو آھي ان سبب جي ڪري انسان کي جنهن اذيت جو شڪار ٿيڻو پوندو آھي اھو ڪنهن غلط فيصلي کان به وڌيڪ تڪليف وارو ھوندو آھي.
فرينڪ لن ڊي روز ويلٽ جو مشهور قول آھي ته: اسان جو اڄ جو شڪ سڀاڻي جي ڪاميابي کي شڪ ۾ بدلائي سگھي ٿو.
ڪاميابي جو سڄو وھنوار انسان جي فيصلي تي ھوندو آھي فيصلن ۾ ڍر ناڪامي جو سبب ٻڻجندا آھن ان لاءِ اڪثر ٽائيم گھڻو سوچڻ به اسان جي فيصلي لاءِ نقصانڪار ثابت ٿي سگھي ٿو فيصلي جي سگهه جي گھٽتائي تمام وڏي ڪمزوري آھي جيڪا انسان کي ڪاميابي کان روڪي رکندي آھي فيصلي جي سگھه ! وڌندڙ عمر سان گڏوگڏ ڪمزور ٿي ويندي آھي. فيصلي ڪرڻ جو ڪمزوري سستي ڪاھلي۽ ناڪامي جو خوف ھوندو آھي جيڪڏهن توھان ڪامياب زندگي گذارڻ جا خواھشمند آھيو ته توھان کي پنهنجي فيصلن تي ڌيان ڏيڻ جي ضرورت آھي عقلمندي جو مظاھرو ڪندي پنهنجي لاءِ پنهنجي مستقبل جي لاءِ فيصلا ڪيو پوءِ انھن جي لاءِ محنت ڪيو ڪامياب توھان کي توھان جي ئي منتظر نظر ايندي.