تاريخ، فلسفو ۽ سياست

تون جڳ جاڳائيندين

علي شيرازي جو اردو ۾ ڇپجندڙ ھي ڪتاب پاڪستان ۽ ھندستان ۾ وڏي ڌام ڌوم سان شايع ٿيڻ لڳو. ٿوري ئي وقت (ڏيڍ سال) اندر ھن ڪتاب جا 40 ڇاپا اچي ويا ۽ ھي ڪتاب جلد ئي ٻين ٻولين ۾ ترجمو ٿيڻ لڳو. مير سردار چنڙ سنڌي شعبي جو نهايت، باصلاحيت ۽ ذهين شاگرد آهي. ننڍي عمر ۾ ھن علمي، ادبي ڪم تي ھو جس لھڻي ٿو. مير سردار جي هي ڪاوش سماج جي بھتر تعمير، ترقي ۽ واڌاري لاءِ هڪ اهم قدم آهي. هي ڪتاب  نوجوانن کي ضرور پڙهڻ گهرجي. هن ۾ زندگيءَ لاءِ رهنما اصول موجود آهن. جن جي هنن حالتن ۾ سخت ضرورت آهي.

Title Cover of book تون جڳ جاڳائيندين

خدا سان تعلق ڪاميابي جي ضمانت

خدا سان تعلق ڪاميابي جي ضمانت

حضرت علي ڪرم الله وجهه جو قول آھي ته ”جنهن پنهنجي ۽ الله جي وچ ۾ معاملن کي درست رکيو ته الله ان جا ۽ ٻين ماڻھن جي وچ جا معاملا درست ڪري ڇڏيندو.“
اڄ جي ھن دور ۾ ھر انسان پيشي شھرت مقام ۽ مرتبي کي ڪاميابي سمجھي ٿو ان جو خواهشند نظر ايندو آھي انسان پنهنجي صحت جي عيوض ۾ پنهنجي ڏينهن رات انھن سڀني دنيائي شين جي حاصلاتن لاءِ خرچ ڪري ڇڏيندو آھي. ان سڀ ھوندي به اسان ڏسندا آھيون ته دنيا ۾ اھڙا بيشمار ماڻھو آھن جيڪي ظاھر ۾ ته ڪامياب ڏسڻ ۾ ايندا آھن ۽ انھن کي دنيا جون سڀ سھولتون به موجود ھونديون آھن پر انھن اطمينان ناھي ايندو خوشي ناهي ملندي سڪون ناھي ھوندو انھن کي سمھڻ کان پھريان ننڊ جون ٽيبليٽ کائڻيون پونديون آھن يا ان جي زندگي جو خاتمو ڏاڍو ڀوائتو يا خودڪشي جي صورت ۾ ٿيندو آھي ڪاميابي ملڻ کان پوءِ به آخر ايئن ڇو ٿو ٿئي؟
اسان انسانن ڪاميابي جي لاءِ جيڪي معيار ٺاھي رکيا آھن سي سڀ غلط آھن ڪاميابي نه پئسن ۾ آھي نه مقام مرتبي نه وري شھرت ۾ آھي. ڪاميابي جو تعلق ھن فاني دنيا سان ناھي پر ڪاميابي دل جو سڪون آھي جنهن وٽ ۾ دل جو سڪون ناھي ان وٽ ڀلي دولت جا انبار ھجن اھو شخص حقيقي ڪاميابي کان محروم آھي.