ماڻھن تي بار ورديون
ٻُٽُون، هَٿيار ورديون
ڳڀرو وَڃن کَنڀيندا
اَڻ کُٽ هَزار ورديون
مارِين ديس واسي
خاڪي غَدار ورديون
بُک ۽ پياس پيڙهي
ٿَر، بَر، ڏُڪار ورديون
هرڪو وڃيو خريدي
وِڪجن بَزار ورديون
واپار حياتين جا
هَٿ، هَٿ تَرار ورديون
رَت پِيئنديون رَهن ٿِيون
سڀ خُونخوار ورديون
هيڻن جي هَٿان ٿينديون
هي تار تار ورديون
ڌرتي نٿي هي چاهي
بُوٽن جا بار ورديون
آهن جَهمور پويان
سڀ اِقتدار ورديون
رَت ۾ رَنڱيل سَنگِينُون
وحشي نِھار ورديون
”باغي” عَدم تَشدد
سامھون قَطار ورديون
*