شاعري

درد جون آيتون

هي ڪتاب ”درد جون آيتون“ نامياري شاعر سعيد ميمڻ جي خوبصورت شاعريءَ جو مجموعو آهي. سعيد ميمڻ پنهنجي شاعراڻي لهجي ۾ ڪيترائي دل کي وڻندڙ رنگ سمائي جڏهن اظهار جا آلاپ آڇي ٿو، تڏهن روح مان درد جون ڪيفيتون اکين ۾ جُهڙالا ڪري سارنگ جا سانگ رَچائي ڇڏين ٿيون.
  • 4.5/5.0
  • 4892
  • 1277
  • آخري ڀيرو اپڊيٽ ٿيو:
  • سعيد ميمڻ
  • ڇاپو پھريون
Title Cover of book درد جون آيتون

تنهنجي گهر مٿان ڪيسين مان بيهان

تنهنجي گهر مٿان
ڪيسين مان بيهان
آئون بادل اُڀ جو.

ڀٽڪان ٿو نيراڻ ۾
هڪڙي ڪڪريءَ ڪان
آئون بادل اُڀ جو.

تو تي راڻي رات جي
آڌيءَ ويل وسان
آئون بادل اُڀ جو.

ناهي ٺوس وجود ڪو
پل پل ٿو مٽجان
آئون بادل اُڀ جو.

وکري ويندس واءُ ۾
عشق نه ڪر مونسان
آئون بادل اُڀ جو.
آئون بادل اُڀ جو.