دوستن جي لالا محب سان ڪاروباري گفتگو
لالا محب اسان جي جاني ۽ ڊاڪٽر سنتوش جي سوالن جا جواب انتھائي سٺي، خوش اخلاقي ۽ دوستاڻي انداز ۾ ڏيئي رهيو هو. جيئن تہ ڪاروباري گفتگو منھنجو موضوع ئي نہ هيو، ان ڪري مان بوريت محسوس ڪري رهيو هئس. منھنجي ان ڪيفيت کي پرتاب پروڙي ورتو هو. ان ڪري هن مون سان مخاطب ٿيندي چيو تہ،”لڳي ٿو توهان بور ٿي رهيا آهيو، ڇو تہ توهان هن گفتگو ۾ شامل نہ آهيو ۽ نہ ئي دلچسپي وٺي رهيا آهيو.“
مون پرتاب کي چيو تہ،”توهان صحيح ٿا چئو پر اهڙي ڪا ڳالھہ ناهي دوستن جي گفتگو غور سان ٻڌي رهيو آهيان“. ڪچھري دوران محب جا وڏا سوٽا ۽ دونھين جا جهڙ هوا ۾ اڏامي رهيا هيا جيئن آڪاش ۾ رولاڪ بادل.
انھي گفتگو دوران هڪ تہ وقت جي خبر ئي نہ پئي تہ وقت ڪيڏو تيزي سان گذري ويو هو. نيٺ اسان کي تڏهن خبر پئي جڏهن ويٽر اچي چيو تہ، ”سر! ڊنر لڳي چڪو آهي.“