سائنس، علم ۽ رسالا

گُلن جهڙا ٻارڙا ڦُلن جيئن نِپجَنِ

ٻارڙن جي بيمارين، احتياط ۽ علاج بابت لکيل ھن ڪتاب جو ليکڪ ڊاڪٽر خير محمد پيرزادو آھي. ڊاڪٽر علي رند لکي ٿو:
”ڊاڪٽر خير محمد پيرزادي جو هي ڪتاب ٻارن جي عام بيمارين کي سمجهڻ واسطي تمام مددگار ڪتاب آهي. ڊاڪٽر پيرزادو انسان دوست ڊاڪٽر آهي. ٻارن جي بيمارين جي شعبي ۾ کيس ڪم ڪرڻ ۽ سکڻ جو وسيع تجربو آهي. سندس هن ڪتاب جو مقصد عام ماڻهو کي ٻارن جي بيمارين بابت بنيادي معلومات ڏيڻ آهي ته جيئن ڪوبه پيءَ يا ماءُ پنهنجي ٻار جي صحت بابت گهٽ ۾ گهٽ ايتري ڄاڻ رکي جو کيس ڪنهن به ڊاڪٽر تائين پهچڻ کان اڳ پنهنجي بهتر سمجهه سبب ٻار جي ابتدائي سار سنڀال ڪري سگهي.“
Title Cover of book گُلن جهڙا ٻارڙا ڦُلن جيئن نِپجَنِ

سائي – يرقان Jaundice

هيءَ بيماري رت جي صفرا جي مادي (Bile Pigment product)جي گڏ ٿي وڃڻ جي ڪري ٿئي ٿي. جنهن جي ڪري ٻار (مريض) جي اکين جون مٿيون (بلغمي) اڇو پردو (Conjunctiva)۽ چمڙي ڦڪي يا سائي ٿي ويندي آهي. جنهن جو بنيادي سبب جيري جي خرابيءَ جي ڪري صفرا جي ناڙي (نالي) Cystic Duct بند ٿي وڃڻ جي ڪري آهي. (ياد رهي ته هي ناڙي جيري ۽ پتي جي وچ ۾ ٿيندي آهي). هيءَ بيماري نئين ڄاول ٻار ۾ ٻئي يا ٽئين ڏينهن ٿيندي آهي. جي هلڪي بيماري هوندي آهي ته خود بخود يا وري اُس ۾ رکڻ جي ڪري ختم ٿي ويندي آهي ۽ جيڪڏهن ختم نه ٿئي ته پوءِ علاج ڪرائبو آهي.

[b]ڪاري ڪامڻ: Acute Hepatitis
[/b]
[b]بيماريءَ جا سبب: Etiology
[/b]• وائرل ڪاري ڪامڻA.B.C.D.E.F.G
• سائيٽو ميگلو وائرس Cytomegalo Virus
• اِي بي وائرس E B Virus
• ارڙي Rubella
• ڪوڪسيڪي – بي Coxsackie - B
• هرپيز سمپليڪس Herpes Simplex
• دوائون: Drugs
• سٽيرائڊس Steroids
• ٽي بي جون دوائون – ڪينسر جون دوائون
• بيماري – مليريا ۽ ٽائيفائيڊ جو بخار