پاڻ سڳورن تي مصيبتون:
هڪ ڀيرو پاڻ ﷺ ڪعبي جي اڱڻ ۾ نماز پئي پڙهيائون قريش جا سردار ڪچهري لڳايو ويٺا هئا کين نماز پڙهندو ڏسي چوڻ لڳا ته ڪو اٺ جي اوجهري کڻي اچي هن جي ڪنڌ تي رکي ڇڏي.ائين هڪ شرير اهو ڪم ڪيو ان جي ڪري پاڻ سڳورن جي پٺن تي ڏاڍو بار ٿي پيو.ڪنهن حضورﷺ جن جي صاحبزادي حضرت فاطمه رضه کي وڃي اها خبر ٻڌائي هوءَ آئي ۽ ڪنهن نموني ان گندگي کي هٽائي پري ڪيائين.
هڪ ڀيرو هڪ شرير پاڻ سڳورن جي ڳچيءَ ۾ چادر جو وڪڙ ڏيئي گلو گهٽڻ گهريو حضرت ابوبڪر رضه ڊوڙي اچي پاڻ سڳورن کي بچايو ۽ ان(شريرماڻهو)کي چيو ته ڇا هڪ شخص جي حياتي رڳو ايتري ڳالهه تي وٺڻ ٿا گهرو جو هو چوي ٿو ته منهنجو پروردگار الله آهي.