سنڌ سلامت ڪتاب گهر پاران فلسفي جي موضوع تي موٽيويشنل اسپيڪر علي شيرازي جي اردو ڪتاب ”سنو تم ستارہ ھو“ جو سنڌي ترجمو ”تون جڳ جاڳائيندين“ اوھان اڳيان آڻي رھيا آھيون، جنھن جو سنڌيڪار مير سردار چنڙ آھي.
علي شيرازي جو اردو ۾ ڇپجندڙ ھي ڪتاب پاڪستان ۽ ھندستان ۾ وڏي ڌام ڌوم سان شايع ٿيڻ لڳو. ٿوري ئي وقت (ڏيڍ سال) اندر ھن ڪتاب جا 40 ڇاپا اچي ويا ۽ ھي ڪتاب جلد ئي ٻين ٻولين ۾ ترجمو ٿيڻ لڳو. مير سردار چنڙ سنڌي شعبي جو نهايت، باصلاحيت ۽ ذهين شاگرد آهي. ننڍي عمر ۾ ھن علمي، ادبي ڪم تي ھو جس لھڻي ٿو. مير سردار جي هي ڪاوش سماج جي بھتر تعمير، ترقي ۽ واڌاري لاءِ هڪ اهم قدم آهي. هي ڪتاب  نوجوانن کي ضرور پڙهڻ گهرجي. هن ۾ زندگيءَ لاءِ رهنما اصول موجود آهن. جن جي هنن حالتن ۾ سخت ضرورت آهي.
ھي ڪتاب سڦلتا پبليڪيشن، حيدرآباد 2022ع ۾ ڇپايو ويو. ٿورائتا آھيون مير سردار چنڙ ۽ سڦلتا پبليڪيشڻ جي ھوش ڀٽيءَ جا جن ھي ڪتاب سنڌ سلامت ڪتاب گهر ۾ اپلوڊ ڪرڻ لاءِ موڪليو. 

محمد سليمان وساڻ
مينيجنگ ايڊيٽر ( اعزازي)، ڪراچي 
سنڌ سلامت ڊاٽ ڪام
sulemanwassan@gmail.com
sindhsalamat.com
 books.sindhsalamat.com