گذارش
سنڌي ادبي سنگت شاخ سکر سٽي کي اهو اعزاز حاصل آهي ته سنڏ جا نامور اديب هن شاخ سان لاڳاپيل آهن. اسان جي اها ڪوشش آهي ته سندن ليک اوهان بهترين پڙهندڙ دوستن کي وڌ کان وڌ پڙهائجن، جيئن اسان ۽ توهان ان مان بهترين راهه ڳولي پنهنجي دُکي ديس جي اَٻوجھه ماڻهن کي جيئڻ جو حقُ ڏياري سگھُون.
دوستو، سکر، ادب جي لحاظ کان هڪ زرخيز شهر رهيو آهي، هي ننڍي کنڊَ جي عظيم شاعر شيخ اياز جو شهر آهي. هن ئي شهر جو هڪ بهترين شاعر ادل سومرو به آهي، جيڪو نه صرف شاعر بهترين آهي پر انسان پُڻُ. اها هڪ آزمودي ڳالهه آهي ته جيڪو به ادل سومري سان هڪ دفعو ملندو، سو وري وري ساڻس ملڻ جي تمنا ڪندو. هينئر سندس شروعاتي شاعريءَ جو بهترين ڪتاب نالي ”سمنڊ جاڳي ٿو“ اوهان جي آڏو انٽرنيٽ تي آڻيندي سچُ پچُ ته تمام گھڻي خوشي محسوس ٿي رهي آهي. اُميد آهي ته اوهان پڙهي پنهنجي راءِ ضرور ڏيندا ۽ وقت به وقت پنهنجن قيمتي مشورن سان نوازيندا رهندا ته جيئن اسان هن سلسلي کي اڃا به بهترين انداز ۾ اوهان دوستن آڏو پيش ڪري سگھون.
مهرباني
اوهان جي مشوري جو منتظر
[b]عبداللطيف انصاري
[/b]شمس آباد سکر سنڌ
فون : 0333.7146119 اي ميل ؛ abdullateefansari@yahoo.com