بيشڪ ته آ اُجالي، اونداهه کي کُٽايو
آهي اُهو بهادر، جنهن ظلم کي مِٽايو
ماحول ۾ محبت آڻي رکو هميشه
ڪاوڙ غصي هجڻ جي اثرات کي گهٽايو
نِوڙتَ، نِياز نرمي، پيدا ڪري سچائي
ماڻهو چڱو اُهو آ، جنهن ڏاڍ کي هٽايو
آ قرب ۾ سڻائي، ڇڏ ڊوهه ۽ ٻيائي
ڪينو، حسد ڪُدُورتَ، نفرت ڪُفر ڇڏايو
ماڻهو مري وڃي ٿو، ڪردار ڳاءِ تن جو
انسان جن ٻين لاءِ آرام کي ڦٽايو
ٻُڌ! ”زاهده“ اسان جي کوٽي قبر ٻين لاءِ
انسانيت هٿان ڄڻ ويساهه کي لُٽايو