همسَري جي چوٿين سالگرھه
ھمسري ۾ سياسي تجزيا، سماجيات تي مضمون، صحت، تعليم، ناول، ڪھاڻي، شاعري، ترجما، ڪتابن تي تبصرا، پروفائيلز، سفرناما، آرٽ سميت ڪنهن نه ڪنهن شخصيت جو انٽرويو ھر شماري ۾ شامل ھوندا آھن.
انٽرويو به اڪثر ميڊم پاڻ وٺندي آھي، جيڪي پنهنجي نوعيت جا يادگار انٽرويو آھن. انهن ۾ تقريبن سماج جي ھر شعبي جي ماڻهن کي شامل ڪيو ٿو وڃي، جن پنهنجي شعبي ۾ نمايان ڪم ڪيو آهي. خاص طور تي مختلف تعليمي ادارن جي سربراھن جا انٽرويو به شامل ڪيا ٿا وڃن ته جيئن انھن مان نوجوان طبقو فائدو حاصل ڪري سگھي.
رسالي جي ايڊيٽوريل ۾ به ڪنهن نه ڪنهن اھم سماجي اِشو جي نشاھندگي ٿيل ھوندي آھي ۽ ان ۾ به ڪو نه ڪو ھاڪاري پيغام سمايل ھوندو آھي.
اسان کي پنهنجي ٻولي ۽ ڌرتي سان پيار جي ناتي پنهنجي ٻولي ۾ شايع ٿيندڙ معياري رسالن ۽ ڪتابن کي پنهنجي وس آھر خريد ڪري پڙهڻ گھرجي. ان سان گڏ پنهنجي دوستن کي به ان ڳالهه جي پرچار ڪندو رھڻ گھرجي. مون کي اميد آھي ته ھمسَري اڃا به وڌيڪ ڪاميابيون ماڻيندو.
**