خ
خون: ناحق ڪنهن کي مارڻ يا جان وٺڻ. ناحق قتل ڪرڻ.
کٿوري: مشڪ، کستوري.
خون/ ناحق قتل، ڪيترو به لڪائي ڪيو وڃي، ڪڏهن به ڪين لڪيل رهندو. نيٺ ظاهر ٿيندو. قاتل جي سريءَ مان تيستائين ساهه نه نڪرندو، جيستائين پنهنجي زبان يا ڪنهن فعل سان ٻين تي اهو راز افشان نه ڪري وڃي.
کٿوري/ مشڪ جي خوشبوءِ به اهڙي آهي. جنهن شيءِ/ عضوي کي لڳي تنهن کي خوشبودار ڪري، حتيٰ ڪ هوا کي به معطر ڪري ڇڏي.
اهڙيءَ طرح عشق به لڪائڻ سان ڪين لڪندو آهي. ٻن دلين جي وچ ۾ آيل ڳالهه ڪيئن ٿي لڪي سگهي؟ نيٺ ڦاٽي.
مطلب: ۱. عشق، مشڪ لڪائي ڪين لڪن،
توڙي زمين جي ستين پٿر ۾ هجن.
۲. خوش است از بخِردان اين نقطه گفتن،
که عشق و مشک را نتوان نهفتن. (فارسي)
۳. سياڻن جي چوڻ جو هيءُ چڱو نقطو آهي،
جو عشق ۽ مشڪ، لڪائڻ سان نه لڪن. (ترجمو)