شاعري

شفق رَتِي شام

ڪتاب ”شفق رتي شام“ اوهان اڳيان پيش آهي. شاعريءَ جي هن مجموعي جو تخليقڪار سيد سراج آهي. سيد سراج سنڌُ جو سُريلو ۽ سُڄاڻ شاعر آهي، هُنَ شاعريءَ جي جهانَ ۾ پنهنجي سوچن جي سُرهاڻ سان هِڪَ سُهڻي سُڃاڻپَ پيدا ڪئي آهي. سيد سراجَ هونئن ته گهڻين ئي صنفن تي طبع آزمائي ڪئي آهي، پر نَظمُ ۽ غزلُ سندس تخليقي سُڃاڻپَ جا مضبوط حوالا آهن.
  • 4.5/5.0
  • 5136
  • 681
  • آخري ڀيرو اپڊيٽ ٿيو:
  • سيد سراج
  • ڇاپو پھريون
Title Cover of book شفق رَتِي شام

ڪالهه ڪُٺي ڪونجي،

ڪالهه ڪُٺي ڪونجي،
ويريءَ جي بندوق سان.

سرخ چپن تي چيخ هئي
ڏور صدا گونجي،
ويريءَ جي بندوق سان.

سنڌ ڪراچي، پارڪر،
هيءَ ڌرتي مونجهي،
ويريءَ جي بندوق سان.

رت ڦُڙن ۾ تون امر
*او زخمي تون جي!
ڪالهه ڪُٺي ڪونجي
ويريءَ جي بندوق سان.


* 2000ع ۾ اسان کان وڇڙي ويلَ شاعِرَ شهيد زخمي چانڊئي جي حوالي سان