سِڌا، سادا، سٻاجها لفظ تنهنجي سارَ سنڌيءَ ۾،
وري ڪا ياد تنهنجي آ ٻکي ٻِيهار سنڌيءَ ۾.
وڇوڙي جا سوين ورلاپ منهنجي شاعري آهي،
۽ تون ڀي ٿي وئي آهين او وينگس ڌار سنڌيءَ ۾.
سَوَنِ چاهيندڙن جا چَپ، چمڻ جي لاءِ آتا ٿيا،
دريءَ وٽ هوءَ سنواري آهه بيٺي وار سنڌيءَ ۾.
هو برگر فيملي جا فرد، ڪامورا ۽ آفيسر،
ڪراچيءَ ۾ پڙهائين شال پنهنجا ٻار سنڌيءَ ۾.
نه ٻي ٻوليءَ ۾ اظهار جا رستا گهڙيا آهن،
اسان جي شاعري آهي ڪندي سينگار سنڌيءَ ۾.