شهيد روپلو ڪولهي
جنم وٺندڙ“روپلو ڪولهي”،
سنڌ، سوڍن ۽ ڪارونجهر سان،
ساٿ نڀائيندي،
انگريز جنرل “تروٽ” سان
جيڪي چوٽون کاڌيون،
جنهن لوڀ لالچ ۽ خوف کي،
اندر مان نيڪالي ڏئي،
ڏاهپ ۽ بهادري سان،
فرنگين کي ڏينهن جا تارا،
ڏيکاري ڇڏيا.
ڌرتيءَ جي رکوالي ڪندڙ جهونجهار
تاريخ ۾ اڄ به ڪارونجهر جان،
اوچي ڳاٽ بيٺل نظر اچي ٿو.
سانوڻيءَ جي اوڙڪن ۾،
مور ٽهوڪن ۾،
هو نئون جنم وٺي،
ڏهرن مٿان ڏيئن جان،
جهمڪي رهيو آهي.
روپلو ڪولهي
روپلوڪولهي.