جيون جي چؤواٽي تي، آءٌ تنهنجي ڪارڻ آيو هان!
ڌرتي تنهنجي ڌوڙ پٺيان، آءٌ ڪنڌ ڪپائڻ آيو هان!
دودو، هوشو، هيمون، دولهه، پنهنجو پاڻ ملهائي ويا!
پنهنجي رت ۽ ست سان تنهنجي سينڌ سنوارڻ آيو هان!
شاهه عنايت، سچل، سامي، شاهه ڀٽائي جو پيغام!
ڌرتي تنهنجي جوڌن کي، آءٌ ٻڌائڻ آيو هان!
منهنجو عزم پهاڙ جيان آءٌ فولادي انسان!
تنهنجي ويرين لاءِ او ڌرتي ٻارڻ ٻارڻ آيو هان!
گيت هجي سنگيت هجي بس ڌرتي تنهنجي جيت هجي!
”ادل“ قهري ڪوٽن کي آءٌ ڪيرائڻ آيو هان!