اسان جي جنگ جاري آ
ڳڀي ڳولا ڪندي، سائين،
خبر ناهي ته ڪيئن گذري،
سموري زندگي، سائين.
نه ڪنهن جا قرض لاٿاسين،
نه پنهنجا فرض لاٿاسين.
نه ڪنهن پرڻي تي پهتاسين،
نه ڪنهن مرڻي تي پهتاسين.
نه ڪنهن سان پير پاتوسين،
نه ڪنهن سان وير پاتوسين.
نه ڪنهن کي ايرُ ڄاتوسين،
نه ڪنهن کي غير ڄاتوسين،
نه ڪو ويساهه پاتوسين،
نه ڪو اُتساهُه پاتوسين.
وقت جي سنگِ باري آ،
اسان جي جنگ جاري آ.
اَجہي ڳولا ڪندي، سائين،
ڳڀي ڳولا ڪندي، سائين،
خبر ناهي ته ڪيئن گذري،
سموري زندگي، سائين.