اداري پاران
اسان اھا اميد ٿا ڪريون تہ پڙھندڙن کي جان جو ڪتاب پسند ايندو. اسان اھو به ارادو رکون ٿا ته مستقبل ۾ ٻيا به شاندار ڪتاب توھان جي ھٿن ۾ پھچائينداسين.
عبدالمجيد سومرو
انڊس ويلي پبليڪيشن
ھي ڪتاب نامياري شاعر، ڪھاڻيڪار ۽ صحافي جان خاصخيليءَ جي نظمن جو مجموعو آهي. جان خاصخيلي ھڪ ٻھڳڻو اديب آھي، جنھن جي صحافت، شاعري ۽ ڪھاڻي جي کيتر ۾ ھڪ منفرد حيثيت آھي. سندس شاعري پنھنجي دور جي عڪاسي آھي. جان خاصخيلي جي شاعري نہ فقط نغمگي سان ڀرپور آھي، پر انھيءَ ۾ پنھنجي سماج جي پيڙا جا بہ ورلاپ آھن. جان وٽ درد جي ڪا سرحد نہ آهي. جان هڪ سچي شاعر جيان هن سموري دنيا جي درد کي پنھنجي سيني ۾ ڌڙڪندي محسوس ڪيو آهي. جان جي سِــٽ سِــٽ ۾ نغمگي ۽ سونھن آھي، جنھن تي هن ڪٿي بہ ڪمپرومائيز نہ ڪيو آهي.