حضرت محب شاھه
سيد محب شاھ ولد حسين شاھ، ”هي افغانن جي ملڪ جو هو جتي هن جو ڪيئي ڪرامتون مشهور هيون. اتي هن جي خانگاھ به هئي. جنهن تي گهڻي ۾ گهڻا نذرانا پوندا هئا. چون ٿا ته ست گهر خانگاھ جي مجاورن جا هئا، جن جو خرچ نذراني مان پورو پئي ٿيو.
هڪ روايت ٻڌائي ويندي آهي ته محب قلندر لعل شهباز جي مقبري اڏاوت جو ڪم ڪندو هو. رازو هيو، اڏاوتي ڪم ڪندي ڪري پيو ۽ وصال پاتائين. هي مزار قلندر لعل شهباز جي مقبري جي اوڀر واري پاسي آهي جٿي هن وقت، قلندر لعل شهباز جي ڌمال لڳندي آهي. پهرين هن مزار تي مقبرو ٺهيل هو پر قلندر لعل شهباز جي اڏاوتي ڪم وڌيڪ (دائرو وڌائڻ) ڪري قبو ڊاٿو ويو. هن مزار تي (محب) نالي جي تختي لکيل هوندي هئي. هاڻي محب شاھ جو ڪتبو لڳل آهي. گهڻن ڪتابن کي اٿلائڻ کان پوءِ به وڌيڪ احوال ڪنهن ڪتاب مان نه ملي سگهيو آهي. قلندر لعل شهباز جي وقت کان هي پوءِ جو بزرگ آهي. محب شاھ جو پهريون احوال تذڪره مشايخ سيوستان ۾ ئي ملي ٿو، سو به نهايت مختصر آهي. معلوم نه ٿي سگهيو آهي ته افغانستان جي ڪهڙي شهر جو هو، ڪهڙي دور ۾ سيوهڻ پهتو.