فقير بابا يوسف
فقير بابا يوسف ولد غلام قادر چڪوال جي ڳوٺ ”ڀين Bheen“ ۾ 1922ع ڌاري ڄائو، ذات جو اعواڻ هو. تعليم 7 درجا هئس. 20 سالن جي عمر ۾ سيوهڻ آيو، قلندر لعل شهباز جي درگاھ جو ڪجهه وقت پاڻي ڀريندو هو. پاڻ شادي نه ڪيائين مجرد هو. بابا يوسف وارا 5 ڀائر هئا. (1) بابا يوسف، (2) محمد انور، (3) محمد فاضل (4) محمد بنارس، (5) لال خان. وفات 27 فيبروري 2011ع بابا يوسف جي والدغلام قادر کي سندس ڳوٺ جي مقامي قبرستان ۾ مدفون ڪيو ويو1.
بابا يوسف قلندر لعل شهبازرح جو وڏو معتقد هو. بابا يوسف جي مزار مخدوم ڇٽو امراڻي جي ويجهو آهي. مزار کي چوديواري ڏنل آهي. هن وقت مٿس مقبرو ٺهيل نه آهي. سندس ڀر ۾ سومر سوائي جي مزار ٻڌائي وڃي ٿي. ٻڌايو وڃي ٿو ته هي مزار بابا يوسف کان اڳ جي آهي. ليڪن ان بابت ڪا معلومات نه ٿي ملي. فقير بابا يوسف 3 جمادالثاني 1413ھ، 29 نومبر 1992ع تي وفات ڪئي. مشهور درگاھ ڇٽي آمراڻي جي اتر اولهه سيوهڻ دفنايو ويو.