سيد ڏاڏو بيگن شاھه سبزواري
سيد نهال شاھ نوري ۽ ڏاڏو بيگن شاھ سبزواري به مير ڪلان جي خاندان مان ٿي گذريا آهن1. سيد ڏاڏي بيگن شاھ جي مزار قلندر لعل شهباز تي ويندڙ رستي پراڻي گيٽ واري پاسي اوڀر ڏکڻ ۾ قديمي سيد، سيد مظفر علي شاھ سبزواري جي گهر جي اولهه ۾ (چوڪ وٽ) آهي. هي درويش ميرن جي دور جو ٿي سگهي ٿو، ليڪن پڪو احوال ڪٿان معلوم نه ٿي سگهيو آهي. ڏاڏي بيگن شاھ سبزواري جي مٿان پهرين مزار مبارڪ ڪانه هئي. هاڻ ڪجهه سال ٿيا آهن ته هن مزار جي مٿان پاڙي جي مختلف برادرين گڏجي مقبرو ٺهرايو آهي. هن مقالي لکندڙ پنهنجي اکين سان مقبرو ٺهندي ڏٺو. مقبري جي ٺهڻ کي پنج سال کن ٿيا آهن. سبزوارين جي شجري ۾ به ”بيگن شاھ“ جو نالو موجود آهي.