سيد نظر علي شاھه عرف نبن شاھه
سيد نظر علي شاھ عرف سيد نبن شاھ ولد سيد نور علي شاھ جو جنم خيرپور ميرس جي محلي ”سعيده“ ۾ ٿيو. پاڻ ٻه ڀائر هئا. سيد نبن شاھ سيوهڻ ۾ اچي دودا مرد حقاني وار ڪافي وسائي.. هن ڪافي جي فقيرن جو سرگروھ هيو. سيد نبن شاھ قلندر لعل شهباز جي رسمن ڌمالن، ميندين، ميلن ملاکڙن ۾ اڪثر شرڪت ڪندو هيو. فقراءُ کي سنڀاليندو هيو. پيري مريدي سنڌ سان گڏ پنجاب ۾ به گهڻي ڪيائين. سيد نظر علي شاھ عرف نبن شاھ جي وفات 1983ع سيوهڻ شريف ۾ ٿي، کيس دودا مرد حقاني ڪافي ۾ مدفون ڪيو ويو. پهرين سيد نظر علي شاھ جي مٿان مقبرو ٺهيل هو پر سادي نموني هو، هن وقت نئين مقبري جو خوبصورت شاندار، گلن چٽن درين ۽ درن تي ڪم هلندڙ آهي.
دودا مرد حقاني جي ڪافي ۾ اندر جڏهن تحقيق لاءِ پهتس ته سيد نظر علي شاھ جي پوٽي ڪرم الله شاھ سان ملاقات ٿي، پڇا ڪيم ته دودا مرد حقاني مزار ڪٿي آهي، ٻڌايو ويو ته اها مزار پنجاب ۾ آهي آءٌ حيرت ۾ پئجي ويس، مون کي خيال هو ته تذڪره مشايخ سيوستان ۾ ذڪر ٿيل بزرگ شخص شيخ دوده جي مزار هوندي. ليڪن مون کي اها مزار نظر نه آئي، 4 مزارون هيون، جيڪي هن وقت جي بخاري سيدن جون آهن، ان مان هڪ جو بيان مٿي ٿي چڪو آهي. 3 جو ذڪر هيٺ ڪجي ٿو شايد شيخ دودي جي مزار ميسارجي وئي افسوس.! معمور شاھ عرف سيد گدا حسين شاھ بخاري ولد سيد نبن شاھ بخاري پيدائش 1946ع وفات 2006ع سيوهڻ شريف مدفن ڪافي دودا مرد حقاني، سيد هاشم شاھ وفات 2010ع مدفن دودا مرد حقاني، سيد امير حيدر شاھ، پيدائش 1967ع وفات 2014ع مدفن مرد حقاني.
مٿي ذڪر ڪيل چئن شخصيتن جون مزارون انهيءَ روضي جي اندر آهن. دودا مرد حقاني ڪافي، سيوهڻ ڪاليج روڊ کوسه محلا جي سامهون اولهه ۾ آهي.