بابا پير ”زنجيرن وارو“ (اقبال شيخ)
سندس اصل نالو محمد اقبال ولد احمد الدين شيخ 1950ع ڌاري لاهور ۾ ڄائو، پر سيوهڻ ۾ خادم حسين شاھ ولد يوسف شاھ سڏرائيندو هيو. ٽيھه ٻٽيهه سال سيوهن شريف ۾ رهيو. قلندر لعل شهباز جو وڏو عقيدت مند هيو. محمد اقبال کي لوهي زنجيرون پاتل هونديون هيون، ان ڪري هن کي زنجيرن وارو پير سڏيو ويندو هو. هن فقير هڪ جڳهه سيوهڻ ۾ ورتي هئي، جا حافظ صالح سولنگي جي گهر جي پاسي ۾ آهي. وصيعت موجب فقير ان جاءِ ۾ دفن ڪيو ويو. سندس وفات 18 جولاءِ 2006ع تي سيوهڻ شريف ۾ ٿي ان وقت سندس ڀاءُ محمد الياس شيخ سيوهڻ آيو هئو. ان ٻڌايو ته اسان ذات جا شيخ آهيون، ڪپڙي جو واپار ڪندا آهيون ۽ لاهور ۾ رهندا آهيون. (هي مقالو لکندڙ) محمد اقبال کي اکين ڏٺو هيو اڪثر خاموش ويٺو هوندو هيو، زنجيرن ۾ ويڙهيل هوندو هئو. وار وڏا هوندا هئس. اڪثر ڪارا ڪپڙا پهريندو هيو، صوفي ماڻهو هيو ڪڏهن نماز پڙهندي يا مذهبي پرچار ڪندي نه ڏٺو.