ڊاڪٽر سيد منور علي شاھه
ڊاڪٽر سيد منور علي شاھ جو جنم 1958-10-22 تي سيد موٽيل شاھ جي گهر سيوهڻ شريف ۾ پيدا ٿيو. سيد منور علي شاھ صاحب لياقت ميڊيڪل يونيورسٽي مان ايم بي بي ايس جي ڊگري 1983ع ۾ حاصل ڪئي. گهڻو وقت (لمس) ڄامشورو جي اهم عهدن تي فائض رهيو پاڻ سرجري ۾ ماسٽرس ڪئي هئائين. اي ڊي او هيلٿ ضلعو ڄامشورو جي پوسٽ تي به رهيو، سندس هٿ ۾ وڏي شفا هئي، ڪيئي مريضن کي شفاياب بنايائين، جڏهن يونيورسٽي ۽ ڪوٽڙي ۾ پوسٽ تي هيو، ته سيوهڻ مان جيڪو مريض ٿي ويندو هو، ته ان کي وڏو عزت ڏيندو هيو. ڪيترن ئي غريب مريضن جي مدد پڻ ڪيائين. هن مسيحا پيشي سان لاڳاپيل شخص 2014-10-03 تي دم ڌڻي حوالي ڪيو. هن کي اباڻي قبرستان، سبزواري سيدن جو مقام ۾ مدفون ڪيو ويو. سندس خدمت تي سيوهڻ اسپتال سيد عبدالله شاھ انسٽيٽيوٽ (جيڪو هاڻي وجود م آيو آهي) ان ۾ ڊائلاسز سينٽر سندس نالي سان منسوب ڪيو ويو آهي. سيد عبدالله شاھ انسٽيٽيوٽ سيوهڻ ۾ ٺهڻ سندن خواب هو. سيد عبدالله شاھ انسٽيٽيوٽ سيوهڻ شريف ۾ ٺهيو. سيد عبدالله شاھ اسنٽيٽيوٽ ۾ هن وقت هزارين مريض شفاياب ٿين ٿا.
حوالا
(1) شجره سادات مروندي سبزواري.
(2) سيوهاڻي ٻرڙو خيرمحمد ”سيوهڻ صدين کان“ مراد پبليڪيشن سيوهڻ شريف ص 398
(3) سيوهاڻي ٻرڙو خير محمد ”سيوهڻ صدين کان“ مراد پبليڪيشن سيوهڻ شريف 428
(4) انٽرويو سيد آصف علي شاھ صاحب