سيد عبدالوهاب شاھه
هيءُ بزرگ ظاهري توڙي باطني علوم جو جامع هو. سندس اوصاف بلڪل نرالا هئا. سدائين نياز ۽ نوڙت ۾ رهندو هو. پنهنجي مرشد شهباز سائينءَ جي حاضري به اهڙي ڏنائين جا پنهنجي جاءِ تي، هڪڙو نرالو فن هئي، هن صاحب لعل سائين جي وصال کان پوءِ ڪچهري واري هنڌ تي جدا ڪافي ٺاهي جنهن کي ڪچهريءَ واري ڪافي سڏيو وڃي ٿو، سيد عبدالوهاب شاھ جي مزار مٿان مقبرو ٺهيل هو. هن وقت مقبرو ڊهي ويو آهي صرف اولهه پاسي واري ديوار بچي آهي. جيڪا ڪلهوڙن جي دور جي اڏاوتي سلسلي جي آهي. سيد عبدالوهاب شاھ جي مزار قلندر لعل شهباز جي مقبري جي ڀرسان اتر ۾ آهي.