سيد نهال شاھه نوري سبزواري
”کاٻڙوٺي جي سيدن مان آهي، جو سيوهڻ سان تعلق رکندڙ هڪ ڳوٺ آهي. اصلي متولي شيخن کان زبردستي مخدوم عليه رحه درگاھ جي سجاد نشينيءَ جو مالڪ ٿيو. پير جي گهڻي فيض سبب مٿي ذڪر ڪيل لڪ علوي سيد جي اولاد جي سجاده نشينن کان وڌي ويو، ۽ درگاھ جي دروازي جي ٻاهران تخت تي ويهڻ جي خصوصيت عطا ٿيس“(1)، ”سندس مٿان وڏو مقبرو اڏيل آهي“ (2)، جيڪو هن وقت زبون واري حالت ۾ آهي. سيد نهال شاھ نوري سيد مير ڪلان جي خاندان مان آهي. ”سبزواي کاٻڙوٺي سيدن مان هي پهريون قلندر لعل شهباز جو سجاده نشين هو“ (3). سيد نهال شاھ نوري ڪلهوڙن جي دور جو بزرگ ٿي گذريو آهي. سندس مقبرو قلندر لعل شهباز جي مقبري جي ڏکڻ اوڀر ۾ موجود چوديواري کان ٻاهران ڀر ۾ آهي.
حوالا
1. علي شير قانع ٺٽوي تحفته الڪرام سنڌي ادبي بورڊ ڄامشورو 2004ع ص 290.
2. ٻرڙو خير محمد سيوهاڻي ”سيوهڻ صدين کان“ مراد پبليڪيشن سيوهڻ شريف 2009ع ص 308
نوٽ
درگاھ جي ٻاهران ويهڻ واري خصوصيت هن وقت ختم آهي.