سيد ڪرم شاھه ابدال سبزواري
سيد ڪرم شاھ ابدال ولد سيد عدل درياءَ سبزواري سيوهڻ سڙيف ۾ ابدال حويلي ۾ 1932ع ۾ پيدا ٿيا. سندن والد سيد عدل دريا شاھ. سبزواري سيوهڻ جي چهل ابدال ڪافي ۾ مدفن آهي. سيد ڪرم شاھ ابدال ديني تعليم سيوهڻ مان حاصل ڪئي. سندس کي قرآن شريف ياد هوند هو. وڌيڪ تعليم دادو مان حاصل ڪيائين پاڻ ست درجا پڙهيل هئا. ان وقت جا جنهن کي سنڌيءَ ۾ فائنل پاس چيو ويندو هو. سندس ڪلاسي بابا احمد علي قريشي (لعل باغ) غلام حيدر سولنگي (سيوهڻ جو اديب) سيد حاجن شاھ سبزواري عرف (فتح محمد شاھ) ۽ ٻيا هئا. سيد ڪرم شاھ وارا چار ڀائر هئا.
(1) سيد ڪرم شاھ ابدال
(2) سيد راجن شاھ، سيد راجن شاھ جي مزار گولڊن گيٽ جي اوڀر ۾ درگاهه ڪرم شاھ ابدال جي ويجهو ٿوري مٿاهين تي موجود آهي. سندس وفات 2008ع ۾ ٿي.
(3) سيد مير محمد شاھ، ننڍي جي عمر ۾ وفات ڪري ويو.
(4) سيد غلام محمد شاھ. ابدال
سيد ڪرم شاھ ابدال قلندر لعل شهباز جو سجاده نشين ۽ قلندر لعل شهباز جو تمام وڏو معتقد هو. پاڻ درويشي، فقيري صفت انسان هئا. وڏي پيري مريدي هئس. پوري پاڪستان ۾ ماڻهو سندس وٽ ايندا ويندا هئا. سندس مزار پهرين هڪ ڪوٺي نما جاءِ ۾ هئي. 2008ع کان پوءِ جڏهن قلندر لعل جي صحن سنڌ حڪومت طرفان وڌايو ويو ته سندس مزار صحن ۾ اچي وئي اتي هاڻ خوبصورت ننڍڙو مقبرو ٺاهيو ويو آهي جنهن کي چئني پاسن کان دروازا آهن ۽ خوبصورت دريون به لڳل اٿس. ٽائيل جي فرشبندي ٿيل اٿس.
سيد ڪرم شاھ ابدال جا ڀاڳ ڀلا جو هن وقت قلندر لعل شهباز تي جيڪو زيارت ڪرڻ اچي ٿو. ته سندن مزار جي به زيارت ڪري ٿو، سندن زندگي قلندر لعل شهباز جي عشق ۾ گذري. فقيري درويشي اپنايائون، مريدن جو هڪ وڏو سلسلو هوندو هئن. 19 صفر 5 جولاءِ 1996ع تي هن دنيا کي ڇڏي راھ رباني ورتائون. مدفن قلندر لعل شهباز جي مقبري ”گولڊن گيٽ“ جي ڏکڻ ۾ پيراندي کان ڪيو ويو.
سيد ڪرم شاھ ابدال کي 6 پٽ ٿيا.
(1) سيد مير محمد شاھ جنم 1963ع
(2) سيد عدل دريا شاھ جنم 1965ع
(3) سيد پريل شاھ جنم 1967ع وفات 2013ع سندس مزار ڀٽي محلا سيوهڻ شريف ۾ آهي.
(4) سيد امداد علي شاھ جنم 1973ع
(5) سيد ثابت علي شاھ جنم 1976ع
(6) سيد ذوالفقار علي شاھ جنم 1980ع
سيد ڪرم شاھ ابدال، سيد مير ڪلان جي خاندان مان هو.سندن شجرو سيد مير ڪلان سان ملي ٿو. سيوهڻ جا کٽ ڌڻي سيد به سندن عزيز آهن. سيد ڪرم شاھ ابدال ڏيک ويک جو سهڻو، قداور شخص، ڪڏهن ٽوپي ته ڪڏهن پٽڪو ٻڌندو هو. شهپر وڏا هوندا هئس. فقيرن مريدن سان ورتاءُ سٺو هوندو هئس.
(نوٽ) سيد ڪرم شاھ ابدال جي معلومات سندن فرزند سيد امداد شاھ کان ورتي وئي.