فقير بابا نيشان علي آرائين
فقير بابا نيشان علي اصل گجرانوالا جو رهاڪو هيو، پاڻ ذات جو آرائين هيو. ڪيترائي سال قلندر لعل شهبازرح تي حاضريون ڀريندو رهيو ڪافي سال سيوهڻ شريف رهيو. سندس هڪ ڀاءُ به هيو، اولاد ۾ هڪ نياڻي ٻڌائي وڃي ٿي.
فقير نيشان علي درويشي ۾ رهندو هيو. فقير نيشان علي هڪ پلاٽ جو ٽڪرو ورتو هيو، جنهن تي پنهنجو آستانو ٺاهيو هئائين دفن به ان جاءِ تي ئي ٿيل آهي. سندس مقبرو قلندر لعل شهباز ڏي ويندڙ پراڻو گيٽ واري رستي تي قديم سبزواري مسجد ويجهو ڏاڏو بيگن شاھ سبزواري جي مقبري جي ڀرسان آهي، اهل تشيع مسجد هن جي ڀرسان ٺهيل آهي. وفات کان پوءِ مقبرو سندس خليفن ٺهرايو آهي. (هي مقالو لکندڙ) هن فقير کي روبرو ڏٺو هيو، ڪڏهن درويشي ۾ رهندو هيو ته ڪڏهن وات کليل هوندو هيس. عمر اٽڪل 80 سال کن هيس، مقبري تي ٽائل ۽ شيشي جو ڪم ٿيل آهي، لعل سائين تي ايندڙ ويندڙ زيارتي هن درويش جي زيارت ڪن ٿا. هن مقبري سان گڏو گڏ بازار آهي جتي هر روز رش لڳي پئي آهي.