شاعري

بهارون سوڳواريءَ ۾

هي ڪتاب ”بهارون سوڳواريءَ ۾“ خوبصورت شاعر اياز رضويءَ جي شاعريءَ جو ٻيو مجموعو آهي. ايوب کوسو لکي ٿو ”ڳالهه رڳو شاعريءَ جي هجي ته اهو هڪ جملو ئي لکڻ ڪافي سمجهان ته، اياز رضوي شاندار شاعر آهي، پر ڳالهه اڃان ڪجهه اڳتي جي آهي. ڇو جو هُن جو ڪردار به خود شاعري آهي. آئون ائين به چوندس ته اياز رضوي پنهنجي شاعريءَ کان به ڪيئي درجا مٿي بيحد معتبر ۽ محبوب نظرياتي انسان آهي. هُو رجعت پرستيءَ جو ضد آهي. هُن طبقاتي ۽ مذهبي فرق جي ليڪن تي اڇو چُن ڦيرائي دل جي ديوار صاف ڪري ڇڏي آهي.“
  • 4.5/5.0
  • 6743
  • 973
  • آخري ڀيرو اپڊيٽ ٿيو:
  • اياز رضوي
  • ڇاپو پھريون
Title Cover of book بهارون سوڳواريءَ ۾

تو در سوالي منهنجا ڳوڙها،

تو در سوالي منهنجا ڳوڙها،
وار نه خالي منهنجا ڳوڙها.

پر پُٺ تو سان ٿيندا رهندا،
روز حوالي منهنجا ڳوڙها.

مون کان پوءِ به جيئرا رهندا،
منهنجا والي منهنجا ڳوڙها.

ڇرڪين ڇو ٿو ڪهڙي ڪن ٿا،
ڳالهه نرالي منهنجا ڳوڙها؟

تنهنجن يادن جي بس ڪن ٿا،
هي رکوالي منهنجا ڳوڙها،

هر صدمي تي حاضر آهن،
يار حِلالي منهنجا ڳوڙها،

رضوي آڻيندا جيون ۾،
ڪا خوشحالي منهنجا ڳوڙها.
✤✤