شاعري

بهارون سوڳواريءَ ۾

هي ڪتاب ”بهارون سوڳواريءَ ۾“ خوبصورت شاعر اياز رضويءَ جي شاعريءَ جو ٻيو مجموعو آهي. ايوب کوسو لکي ٿو ”ڳالهه رڳو شاعريءَ جي هجي ته اهو هڪ جملو ئي لکڻ ڪافي سمجهان ته، اياز رضوي شاندار شاعر آهي، پر ڳالهه اڃان ڪجهه اڳتي جي آهي. ڇو جو هُن جو ڪردار به خود شاعري آهي. آئون ائين به چوندس ته اياز رضوي پنهنجي شاعريءَ کان به ڪيئي درجا مٿي بيحد معتبر ۽ محبوب نظرياتي انسان آهي. هُو رجعت پرستيءَ جو ضد آهي. هُن طبقاتي ۽ مذهبي فرق جي ليڪن تي اڇو چُن ڦيرائي دل جي ديوار صاف ڪري ڇڏي آهي.“
  • 4.5/5.0
  • 6744
  • 981
  • آخري ڀيرو اپڊيٽ ٿيو:
  • اياز رضوي
  • ڇاپو پھريون
Title Cover of book بهارون سوڳواريءَ ۾

مهمان تازو ٿي ويو،

مهمان تازو ٿي ويو،
ايمان تازو ٿي ويو.

هُن نهاريو قرب مان،
احسان تازو ٿي ويو.

عڪس هو ڪو رقص ۾،
وجدان تازو ٿي ويو.

هُو پُڳي مندر مان ڄڻ،
ڀڳوان تازو ٿي ويو.

اڄ گَهٽيءَ مان ڇا لنگهيس،
بُهتان تازو ٿي ويو.

قدرت سندو پرتو ڏسي،
انسان تازو ٿي ويو.

اپسرا هئي چنڊ هو،
ارمان تازو ٿي ويو.

سونهن جي واکاڻ ۾.
رومان تازو ٿي ويو.

ڇا چپن تي مُرڪ هُئي.
گلدان تازو ٿي ويو.

تو پڙهيو شاعر سندو
ديوان تازو ٿي ويو.
✤✤