شاعري

پوئين پهر جي چانڊوڪيءَ ۾

ڏِٺو وڃي ته اصغر جتوئيءَ جو شعري مجموعو ”پوئينءَ پهر جي چانڊوڪي ۾“ سهيڙيل شاعري جو سڀاءُ گهڻو تڻو داخليت تي آڌاريل نظر ايندو. جنهن ۾ سندن سوچ جي آزادي تخيل جا منظر اُڻيندي پسجي ٿي. سندن شاعراڻو اسلوب حقيقت ۽ احساس جي ڀرپور عڪاسي آهي، اندر جي اڪيلائي جا نوحا لکيا آهن. پر سندن سوچ ۽ لوچ ۾ سماجي اوڻاين ۽ انساني بدحاليءَ جو عڪس به چِٽو پِٽو بکي ٿو.
  • 4.5/5.0
  • 1791
  • 717
  • آخري ڀيرو اپڊيٽ ٿيو:
  • اصغر جتوئي
  • ڇاپو پھريون
Title Cover of book پوئين پهر جي چانڊوڪيءَ ۾

گيت : چنڊ کي ڀل تون چاهه، پکيئڙا

چنڊ کي ڀل تون چاهه، پکيئڙا،
پيار نه آهي پاپ.

ڇا به چوي يا سوچي دُنيا،
پار پرينءَ جي ڪاهه، پکيئڙا،
پيار نه آهي پاپ.

پيار جي قاتل دُنيا مان تون،
ڊوهه جا ليڪا ڊاهه، پکيئڙا،
پيار نه آهي پاپ.

ڳاءِ وري ڪو گيت سُريلو،
مَنَ جون مونجهون لاهه، پکيئڙا،
پيار نه آهي پاپ.

ماڳ پرينءَ جو ڏور به ڪهڙو،
اُٿ تون پرڙا ساههِ، پکيئڙا،
پيار نه آهي پاپ.
*