درد ڳوڙها ساهه ٿڌڙا، زندگي صليب تي
ڪنڊا راهن ۾ رکيل ۽ دل لڳي صليب تي
هاڻ توڏي سڀ اچڻ جون ڪوششون ناڪام ٿيون
چوطرف پهرا پرين، عاشقي صليب تي
اڄ اکين جي سيم مان تون اڏامي وئين هليو
آ گسن تي ڏاٻ اونداهه، روشني صليب تي
ڪين هاڻي هو ايندئي ديپ ڇڏ سڀ اُجهائي
ڳالهه شايد وئي وڌي دلبري صليب تي
رخصتي ٿي ان سندي دهل ۽ شرنائن سان
مرد پوڙهو پاڻ ابهم ڇوڪري صليب تي
جام پي مدهوش ٿي ۽ درد هلڪا ٿي ڪيا
جڳ کلي “قادر” پيو مئڪشي صليب تي
****