قوم کي ڪر بيدار
وقت جي آ پڪار اي سنڌي
قوم کي ڪر بيدار اي سنڌي
وقت ناهي منهن ڦيرڻ جو
نه سمهڻ پير ڊگھيرڻ جو
هي قافلو اڳئي ڌڪيرڻ جو
۽ رهزن کي آ گھيرڻ جو
واڪا وڏي للڪار اي سنڌي
قوم کي ڪر بيدار اي سنڌي
جذبا جي بم گولا ٿيندا
ڳاڙها جھنڊا شعلا ٿيندا
رستا پاڻهي سولا ٿيندا
پيدا دولهه دودا ٿيندا
ٻيڙو ٻڏل ڪو تار اي سنڌي
قوم کي ڪر بيدار اي سنڌي
دشمن جي هلي پاڙ پٽيون
زلفن کي ڏيان مان ڪيئن ڦڻي
هت روز پيا ڪسجن ڀونءَ ڌڻي
ٿئي مارا ماري روز گھڻي
لاش ٿڪي پيا آهيون کڻي
پيو زهر جو قادر ڍڪ پيان
ڇڏ لال لهو ۾ رقص ڪيان
****