اسان جي ڦٽن کي اکيڙي وئي آ
جفا جو رڳو تير کوڙي وئي آ
سگھيو ناهيان ميڙي اڃان دل جا ٽڪرا
ڀڳل شِشي وانگي هو ٽوڙي وئي آ
رهيو هوش ناهي اکين کي جڏهن کان
ٻڏل وار خوشبو ۾ ڇوڙي وئي آ
سڄي رات سڪندي اسان جي آ گذري
بکيا دل جا جيڪي اُڍيڙي وئي آ
گلابي بدن تي نچي چاندني اڄ
سوين رنگ پنهنجا پکيڙي وئي آ
پڙهي خط منهنجو ڏئي پير هيٺيان
ڪنول جهڙا جذبا لتاڙِي وئي آ
کڻي خواب قادر اميدن جي ٻيڙي
رڳو درد جي ڪن ۾ ٻوڙي وئي آ
****