آ گيت پريت جا ڳايون
نغمن ۾ هستيءَ کي وڃائي هو اتي اڄ لهرايون
جهرڻن مان ڪي سر چورائي مٺڙا ساز وڄايون
پاڻ سان گڏ هن جڳ کي ڀي گيتن جي لئه ۾ وڃايون
آ گيت پريت جا ڳايون
آ چنڊ سان راند رچايون
لهرون ٿي ۽ هنج ۾ پنهنجي چانڊوڪيءَ کي لوڏيون
بادل ٿيون ۽ اڀ ۾ چنڊ جي منهن کي لڪايون کوليون
اچ ته چڪور جيان من کي پنهنجي هاڻي چنڊ ڏي اڏايون
آ چنڊ سان راند رچايون
آ گلڙن سان لنو لايون
هير ٿي ۽ پرڀات جو پنهنجيون جهوليون ڀريون خوشبوءَ سان
ماڪ ٿي ۽ ڪي رنگ چورايون مکڙين جي ته ڳلن تان
ڀونئر ٿي گل گل جي چوڌاري ڦيرا هر هر پايون
آ گلڙن سان لنو لايون