تن جي لئه اڄ و بال آهي حيات
جن ڪيو موت کي به ماري مات
جيڪا وارن جي ڇانو ۾ گذري
حاصل زندگي اها هڪ رات
جن مان لالاڻ پئي ليئا پاتا
تن اکين ئي ڏياري مي کان نجات
ڪن کي حاصل ٿي نينهن جي نعمت
۽ ملي ڪن کي سونهن جي سوغات
جيڪي سوريءَ کي سيج ٿا سمجهن
موت تن لاءِ آهي آبِ حيات
هونئن ته ڪيئي ستارا ٿا چمڪن
هڪ وهائو ئي آڻي ٿو پرڀات
تنهنجي موٽڻ جي مند آئي آ
ڏس اکين مان وسي پيئي برسات
هير اهڙيءَ طرح اسر جو لڳي
ڄڻ کنيا ٿي پساهه پويان رات