درد وندن جا ڪري پيا ڳوڙها
دل جي زخمن جا ڪري پيا ڳوڙها
ڪوڪَ ڪاريءَ جي ٻُڌي دل ڌڙڪي
منهنجي نيڻن جا ڪري پيا ڳوڙها
وارَ نـــاريءَ جـــا ويــا چـــاندي ٿي
ڪيئن درپن جا ڪري پيا ڳوڙها
ســـاز ۾ ســـوز جـــڏهن پيـــدا ٿيو
پوءِ نغمن جا ڪري پيا ڳوڙها
ماڪ ترڪي جو پئي شاخن تي
ڄڻ ته گلڙن جا ڪري پيا ڳوڙها
رات آڪـــاس تي ســڏڪـي سـڏڪـي
نيٺ ڪڪرن جا ڪـــري پيا ڳوڙها
دل جي صحرا ۾ گل ٽڙيو نه ڪوئي
تڏهن جذبن جا ڪري پيا ڳوڙها
ڪالھ محفل ۾ ها کلندي کلندي
کوڙ مستن جا ڪري پيا ڳوڙها
مون ته روڪڻ گھريا هئا دانش
پو به لفظن جا ڪري پيا ڳوڙها