ڪنهن سونهن جي سنگت ۽ احساس جي ڪتڪائي
من هاڻ گهري ٿو بس مرڪن جي مسيحآئي
سڏڪن جا پيا گونجن پڙلاءُ پري تائين
افسوس سکي ڪوٺيو تو ڪوڪ کي شهنائي
سچ سونهن تي تنقيدون ڪچ ڪوڙ جون تعريفون
منصف تي اُڀي آڱر کوٽن جي پذيرائي
هڪ چنڊ هيو ٻيو مان ٽيون چنڊ جي چانڊوڪي
تارن جي جهرمٽ ۾ ٿي رات شناسائي
اڄ شام اچانڪ جو ڪمري ۾ هلي آئي
چهري تي غمي تاڻي کسڪي وئي اڪيلائي
ڪا واٽ نٿي نڪري ڪنهن ريت وفائن جي
هر چونڪ تي بيٺي آ ڄڻ تاڙ ۾ هرجائي