شخصيتون ۽ خاڪا

سيوهڻ جون ادبي شخصيتون (تحقيق)

هي ڪتاب “سيوهڻ جون ادبي شخصيتون” شاعر ۽ ليکڪ مير حاجن مير جو تحقيقي پورهيو آهي.
هي ڪتاب سچائي اشاعت گهر دڙو پاران 2014ع ۾ ساحل پرنٽرس وٽان ڇپايو ويو. لک ٿورا سائين يوسف سنڌيءَ جا جنهن هن ڪتاب جي سافٽ ڪاپي ڏني ۽ مهربانيون مير حاجن مير جون جنهن ڪتاب سنڌ سلامت تي پيش ڪرڻ جي اجازت ڏني.
Title Cover of book سيوهڻ جون ادبي شخصيتون (تحقيق)

سيد مرتضيٰ سيوستاني “قانع” (وفات 1180هه 1767ع)

سيد مرتضيٰ ولد عبدالنبي شاهه جي گهر ۾ ڄائو مخدوم معين (ٺٽي واري) وٽ ڪيترائي سال علم حاصل ڪيائين. سندس تخلص “قانع” هو. مير غلام علي آزاد بلگرامي عرب عجم جي مشهور شاعر جو شاگرد هو. مير علي شير قانع هن سان ملاقات ڪئي، جنهن لکيو آهي ته شعر جو سليقو يا لياقت به ڪافي منجهس موجود هئي. سيد مرتضيٰ سيوستاني جي وفات 1180هه 1767ع ڌاري ٿي. نموني طور شاعري هيٺ ڏجي ٿي:
زاشڪ ديد مرا اب تاب مي باشد،
زچاڪ سينه مرا فتحيات مي باشد،
شدم گداز بتدريج از فروغ زخش،
چونخل موم که در آفتاب مي باشد.
ڪي رود از دل خيال ياد پُر تمڪين ما،
عڪس او در ديده آئينه مردم مي شود.