مخدوم حڪيم محمد نصيرالدين “فاروق” صديقي (ولادت 1955ع)
شروع نانءُ تنهنجي، جهانن جا سائين،
سهڻي مصطفيٰ تي صلواتون سدائين،
نبي پاڪ عربي محمدصه ڏنائين.
فضل آهي مالڪ جو مونتي سدائين،
رحم سان رکيائين ڪرم سان ڏٺائين،
مهربانيون مون تي ته اهڙيون ڪيائين،
هيس ڪين لائق پنهنجي ٻاجهه ڪيائين،
مشڪل ڪشا ئي به اهڙي ڪيائين،
پاڻ مشڪلن مان مون کي پار نيائين،
سدائين سڏيان ٿو مان توکي او سائين،
دعائون سڀئي منهنجو تون ئي اگهائين،
آهي عرض “فاروق” جوهي رب سائين،
جنت ۾ به گهرڙو به مونکي ڏجائين.